ҚМДБ Төрағасы, Бас мүфти Наурызбай қажы Тағанұлының бастамасымен Қарағанды облысы өкілдігінің «Зекет және қайырымдылық» қоры «Өмірге үміт сыйла» қайырымдылық акциясын ұйымдастырды.

Іс-шара аясында Ораза айт мерекесінде ерекше күтімді қажет ететін балаларды бағып-қағып отырған төрт отбасыға жалпы сомасы 800 000 теңге көлемінде көмек көрсетілді. Әр отбасыға 200 000 теңгеден сертификат табысталды.

Бұл ізгі іс-шара – дініміздегі «садақа беру – мұсылманның парызы» деген ұстанымды негізге ала отырып, мейірім мен жанашырлықтың жарқын көрінісі болды.

Бұл қаржыдан бөлек, «Өмірге үміт сыйла» қайырымдылық акциясы аясында Рамазан айында 153 отбасыға жалпы 15 300 000 теңге көлемінде қаржылай көмек көрсетілді. Жоба аясында көмекке мұқтаж жандардың әлеуметтік жағдайын жеңілдету көзделді.

ҚМДБ - Қарағанды облысы бойынша баспасөз қызметі