Қасиетті Рамазан айынан кейінгі ұлық мереке – Ораза айт мерекесіне орай Ақтас кентіндегі «Ерімбет ата» мешітінде алғашқы айт намазы оқылды.

Айт намазына жиналған жамағат мерекелік көңіл күймен дұға жасап, бір-біріне ізгі тілектерін білдірді. Рамазан айы бойы тарауық намазын жүргізген екі қари балаға ақшалай сыйлық табысталып, иықтарына шапан жабылды. Сонымен қатар, қарилардың әкелеріне де құрмет көрсетіліп, алғыс айтылды.

Айт намазынан кейін ұлттық ойындардан жарыс ұйымдастырылып, ауыл тұрғындары белсене қатысты. Бұл шара тұрғындардың ауызбіршілігін арттырып, мерекенің маңызын одан әрі айшықтады.

ҚМДБ Қарағанды облысы өкілдігінің баспасөз қызметі