Бұқар Жырау ауданына қарасты Қызылжар ауылдық мешітінің ауласына 38 тонна шебен, яғни қиыршық тас төселді.

Мешіттің имамы Құмар Бақытжанның ұйымдастыруымен өткен бұл игі іске мешіт жамағаты белсене қатысты. Ауыл тұрғындары атсалысып, құлшылық орнының ауласын абаттандыруға өз үлестерін қосты.

Мешітке келушілерге қолайлы жағдай жасау және ауладағы жүргіншілер жолын тегістеу мақсатында жүзеге асқан бұл жұмыс жамағаттың бірлігі мен ортақ жауапкершілігін көрсетіп отыр.

Жергілікті жамағат пен дін қызметкерлерінің мешітке деген жанашыр көзқарасы мен адал еңбегі үшін алғысымызды білдіреміз!

ҚМДБ Қарағанды облысы өкілдігінің баспасөз қызметі