Нұра ауданында қасиетті Рамазан айының аяқталуына орай ауыл имамдарының қатысуымен қорытынды жиын өтті.

Жиын барысында аудан имамы Ерлан Серікұлы барша имамдарға отыз күн бойы халыққа қызмет еткені үшін алғысын білдіріп, алдағы айларға арналған жоспарлармен таныстырып, нақты тапсырмалар жүктеді.

Сонымен қатар дін жолында ұзақ жылдар бойы қалтқысыз еңбек етіп келе жатқан имамдарға «Алғыс хат» табысталып, қаржылай сыйлықтар ұсынылды. Іс-шара соңында ауданымыздың ақсақал имамы Исай қажы жиналғандарға батасын берді.

ҚМДБ Қарағанды облысы өкілдігінің баспасөз қызметі