Шет ауданы, Ақадыр кентіндегі «Иса молла» мешітінде әйелдер жамағатына арналған уағыз-насихат жұмысы ұйымдастырылды.

Мешіт ұстазы Әлия Рахманқызы жиналған жамағатқа «Перзентке — ислами тәрбие беру»" тақырыбында насихат жүргізіп, баланы имандылыққа баулудың маңыздылығына тоқталды.

Уағыз барысында ұстаз ата-анаға жүктелетін жауапкершілік, ұрпақ тәрбиесіндегі пайғамбарымыздың (с.ғ.с) өнегесі мен ислам құндылықтары туралы кеңінен баяндады. Сонымен қатар, отбасы ішілік зорлық-зомбылықтың алдын алу, әйелдің отбасындағы орны мен міндеті жайлы да пікірлер айтылды.

Кездесу соңында жамағат көкейдегі сауалдарын қойып, өзара пікір алмасты.

Игі іс-шара алдағы уақытта да жалғасын табады. 

ҚМДБ Қарағанды облысы бойынша баспасөз қызметі