Теміртау қаласына қарасты Ақтау кенті мешітінің  имамы Фазылахмад Асламденұлының ұйымдастыруымен шәууал айында әлеуметтік жағдайы төмен 36 отбасыға азық-түлік таратылды.

Игі іс-шара Рамазан айында жиналған қайырымдылық қаржысы есебінен жүзеге асты. Әр отбасыға күнделікті қажетті тағамдар салынған себеттер үлестірілді.

— Бұл — ауыл тұрғындарының ұйымшылдығы мен қайырымдылыққа деген ниетінің көрінісі. Мұндай іс-шаралар алдағы уақытта да жалғасады, — деді мешіт имамы.

Айта кетейік, Ақтау кенті мешітінде мұқтаж жандарға көмек көрсету дәстүрлі түрде ұйымдастырылып келеді.

ҚМДБ Қарағанды облысы өкілдігінің баспасөз қызметі