Қарағанды қалалық «Төлеутай ата» мешітінің наиб имамы Дархан Түменбей қаладағы орталық кітапхана ұжымымен кездесті.

Шара барысында ол «Діни сауатсыздықтың зардабы және жат ағымдардың алдын алу» тақырыбында түсіндіру жұмыстарын жүргізді.

Кездесуде имам қоғамда белең алып отырған түрлі теріс діни ағымдардың белгілері, олардың ықпал ету тәсілдері туралы кеңінен тоқталды. Сондай-ақ діни сайттар мен әлеуметтік желілердегі экстремистік топтардың әрекеттеріне сақ болу қажеттігін ескертті.

Имам жат ағымдардың қоғамға тигізер кері әсері мен одан сақтанудың жолдарын нақты мысалдармен түсіндіріп, қатысушылардың сауалдарына жауап берді.

Кездесу соңында кітапхана қызметкерлері өздерін толғандырған сұрақтарын қойып, пайдалы ақпарат алды.

ҚМДБ Қарағанды облысы бойынша баспасөз қызметі