Бұқар Жырау ауданына қарасты «Жыржыс қажы» мешітінің ұстазы Ибраев Тәубежанның ұйымдастыруымен мешіт шәкірттері арасында «Мұғалім сәни» пәні бойынша білім байқауы ұйымдастырылды. 

Бұл байқаудың мақсаты — жастарды діни білімге ынталандыру, имандылыққа тәрбиелеу және құлшылық әдебін қалыптастыру.

Байқау барысында шәкірттер «Мұғалім сәни» пәні бойынша алған білімдерін ортаға салып, өзара бақ сынасты. Сонымен қатар викториналық сұрақтар қойылып, қатысушылардың есте сақтау және жылдам ойлау қабілеттері сыналды.

Мешіт ұстазы Ибраев Тәубежан осындай іс-шаралардың жастарды рухани тәрбиелеудегі маңызы зор екенін атап өтіп, алдағы уақытта да діни сауат ашу бағытындағы игі істер жалғасатынын жеткізді.

ҚМДБ Қарағанды облысы өкілдігінің баспасөз қызметі