Қарағанды облысы, Абай ауданына қарасты Топар кентіндегі «Жұмабек Тәшен» ауылдық мешітінде ауыл жастарына арналған діни-танымдық кездесу өтті.

Іс-шара барысында мешіттің бас имамы Мурсали Қаленұлы қазіргі қоғамда жиі кездесіп жатқан қатерлі құбылыстардың бірі — суицидтің алдын алу тақырыбында тағылымды насихат жүргізді. Адам өмірінің маңыздылығы, сабыр мен үмітке толы өмір сүрудің мағынасы жайлы айтылып, жастарға рухани бағыт-бағдар берілді.

Сондай-ақ «Жастар арасында стреске төзімділік» тақырыбында кеңінен түсіндіру жұмыстары жүргізіліп, күнделікті күйзеліс пен эмоционалды қысыммен күресудің жолдары, сабырлылық пен жан тыныштығын сақтау мәселелері талқыланды.

Мақсат – жастардың өмірге деген көзқарасын нығайтып, рухани тұрақтылық пен имандылыққа үндеу.

ҚМДБ Қарағанды облысы өкілдігінің баспасөз қызметі