Қарағанды қаласындағы «Айза» ЖШС дайындайтын балмұздақ өнімдеріне «QMDB Halal» стандарты талаптарына сай сертификат тапсырылды.

Сертификаттау барысында «Халал Даму» мекемесінің Қарағанды облысындағы өкілі Амангелді Асқаров кәсіпорынға аудит жүргізіп, өнім өндіру, сақтау және жеткізу үдерістерінің халал стандарттарына сәйкестігін тексерді.

Аудит нәтижелері оң бағаланып, кәсіпорынға «QMDB Halal» стандарты бойынша ресми сертификат табысталды.

Кәсіп иелері тұтынушыларға адал әрі сапалы өнім ұсыну – басты мақсаттарының бірі екенін атап өтті.

Сондай-ақ бұл сертификат тауардың жоғары сапасы мен қауіпсіздігіне кепіл болып, тұтынушылар сенімін арттыруға және халықтың сұранысына сай қызмет көрсетуге бағытталған.

Сертификаттың жарамдылық мерзімі – 1 жыл.

Мекенжайы: Қарағанды қаласы, С.Мұқанов көшесі, 49/2

ҚМДБ – Қарағанды облысы бойынша баспасөз қызметі