ҚМДБ-ның тапсырмасы аясында қызға қырық үйден тыйым салатын «Әжелер мектебін» жаңғырту мақсатында Қарағанды қалалық «Төлеутай ата» мешітінде дөңгелек үстел ұйымдастырылды.

Мешіт ұстазы Фатима Аманболдықызының ұйытқы болуымен өткен рухани іс-шараға мешіттің ақ жаулықты әжелері мен жас қыз-келіншектер қатысты.

Жиын барысында әжелер қауымы өскелең ұрпаққа қазақы тәрбие, ұлттық болмыс, ана болудың жауапкершілігі мен бала тәрбиесі турасында тағылымды насихат айтты. Қатысушылар отбасындағы қыз баланың орнын, үлкенге құрмет, кішіге ізет көрсетудің маңызын талқылады.

Рухани отырыс соңында берекелі дастархан жайылып, қатысушыларға Құран аяттары оқылды.

ҚМДБ Қарағанды облысы өкілдігінің баспасөз қызметі