Халықаралық Жер күніне орай Қарағанды қалалық «Төлеутай ата» мешітінде қоршаған ортаны қорғауға бағытталған «Таза Қазақстан» атты тазалық акциясы ұйымдастырылды.

Алла Елшісі (Алланың оған игілігі мен сәлемі болсын): «Алла Тағала – жомарт, жомарт құлдарын жақсы көреді. Алла Тағала – таза, тазаланғандарды жақсы көреді. Сондықтан, үйлеріңіздің маңайын таза ұстаңыздар», – деген. Бұл хадис мұсылман адамның қоршаған ортасына, тазалыққа мән беруі – иманның белгісі екенін аңғартады.

Осы мақсаттағы шараға мешіттің дін қызметкерлері мен жамағаты белсенді түрде атсалысты. Акция барысында мешіт ауласы мен маңы күл-қоқыстан тазартылып, қоршаған ортаға жанашырлық танытылды.

ҚМДБ Қарағанды облысы өкілдігінің баспасөз қызметі