Қарағанды қалалық «Төлеутай ата» мешітінің наиб имамы Дархан Түменбай «Мартбек Мамраев» атындағы 52859 әскери бөлімінің сарбаздарымен кездесу өткізді.

Кездесу барысында имам жастар арасында суицидтің алдын алу, стреске төзімділік, өмірлік тұрақтылық секілді маңызды тақырыптарды қозғап, діни және рухани тұрғыда кеңестер берді. Сонымен қатар, қазіргі қоғамда белең алып отырған құмар ойындарының зардабы жайлы түсіндіріп, оның шариғаттағы үкімі мен дүниелік, рухани зияндары кеңінен айтылды.

Сарбаздар тарапынан қойылған түрлі сауалдарға нақты әрі тұшымды жауаптар беріліп, ашық пікір алмасу өрбіді.

ҚМДБ Қарағанды облысы өкілдігінің баспасөз қызметі