Қарағанды қалалық «Төлеутай ата» мешітінде әйел-қыздар жамағатына арналған рухани кездесу өтті. Басқосуды мешіттің ұстазы Фатима Аманболдықызы ұйымдастырды.

Нәзік жандардың басын қосқан жиында арнайы дастархан жайылып, қатысушыларға рухани тәлім мен тәрбиелік маңызы зор насихаттар айтылды. Мешіт ұстазы «Ислам және отбасы құндылығы» тақырыбында уағыз жүргізіп, отбасындағы рухани тұтастық пен әйел адамның діндегі орны жайында тағылымды ойларымен бөлісті.

Сондай-ақ «Отбасындағы әйел адамның рөлі», «Бала тәрбиесі» сынды маңызды тақырыптар да қозғалып, әйел-аналардың қоғам мен ұрпақ алдындағы жауапкершілігі жан-жақты талқыланды.

Отырыс соңында жамағатпен бірге Құран хатым дұғасы жасалып, рухани кеш ізгі ниетпен түйінделді.

ҚМДБ Қарағанды облысы өкілдігінің баспасөз қызметі