Халықаралық Жер күніне орай Қарағанды қалалық «Хазрет Әли» мешітінде сенбілік ұйымдастырылды. Аталған іс-шара «Таза Қазақстан» акциясы аясында өтті.

Сенбілікке мешіт жамағаты белсене қатысып, мешіт аумағын тазалауға атсалысты. Тазалық жұмыстары барысында мешітке келетін электр тоғының уақытша үзіліп қалғаны анықталып, ақау дер кезінде қалпына келтірілді.

Сонымен қатар мешіттің электр жүйесі жаңартылып, бұрынғы екі фазалы тоқтың орнына үш фазалы тоқ қосылды. Бұл өзгеріс электр қуатының тұрақты әрі қуатты болуын қамтамасыз етеді.

ҚМДБ Қарағанды облысы өкілдігінің баспасөз қызметі