Қарағанды қалалық «Хазрет Али» мешітінде жастарға арналған рухани насихаттық кездесу өтті. «Жастар ісі» секторы аясында ұйымдастырылған бұл басқосуда мешіттің наиб имамы Асылбек Жұпархан «Жастар тәрбиесі және ихсан ілімі» тақырыбында уағыз-насихат айтты.

Жиын барысында ихсан ілімінің мәні мен мұсылманның көркем мінез-құлқы кеңінен түсіндіріліп, жас буынның рухани дамуына бағытталған ойлар айтылды.

Сонымен қатар, имам лудоманияның (құмар ойынға тәуелділіктің) зиянын тілге тиек етіп, жамағатты құмар ойындарынан аулақ болуға үндеді.

Кездесу соңында жамағатқа арналған «Пәтуа сағаты» өткізіліп, діни сұрақтарға жауап берілді.

ҚМДБ Қарағанды облысы өкілдігінің баспасөз қызметі