Қарағанды қаласының жанындағы «Жалаңтөс батыр» атындағы қорымға тазалық жұмыстары жүргізілді. Бұл игі іс ҚМДБ Төрағасы, Бас мүфти Наурызбай қажы Тағанұлының бастамасымен, «Өткенге құрмет, тіріге міндет» атты сенбілік аясында ұйымдастырылды. 

Қарағанды облысының Бас имамы Естай Айтуғанұлының қолдауымен өткізілген тазалық іс-шарасына шаһарымыздағы облыстық «Әнет баба» мешіті бастаған барлық мешіттердің дін қызметкерлері мен жамағаты, шәкірттер мен еріктілер белсене қатысып, арнайы техника жұмылдырылды. Игі іске «Қамқор шарапат» салттық қызмет көрсету орталығының өңірдегі жауапты маманы Бақдәулет Қыдырбайұлы ұйытқы болды.

Көктемгі мезгілде дәстүрге айналған рәсім — ата-баба рухына тағзым ету мен ұрпаққа үлгі боларлық өнегелі амалдың көрінісі. Қорым маңы қоқыстан тазартылып, айналасының бәрі көрікті аумаққа айналды. «Тазалық – иманның жартысы» деген Пайғамбарымыздың (с.ғ.с) хадисін ұстанған жамағат сауапты іске бірге үлес қосты.

ҚМДБ Қарағанды облысы өкілдігінің баспасөз қызметі