Қарағанды қалалық «Бала қажы» мешітінде «Қызға қырық үйден тыйым» тақырыбында дөңгелек үстел өтті. Жиынға әйел жамағаты мен ақ жаулықты апалар қатысып, бір дастархан басында қазақ халқының қыз балаға қатысты тәрбиелік ұстанымдары кеңінен талқыланды.

Әйел – әр шаңырақтың ұйытқысы, берекесі. Кездесу барысында қатысушылар нәзік жаратылысты әйел затының табиғатына сай тәрбиеленуінің маңыздылығына тоқталып, ұлттық тәрбие арқылы қыз баланың қадір-қасиетін сақтаудың жолдарын сөз етті. Әдеп-ғұрыпқа негізделген ұлағатты кеңестер айтылып, ата-баба дәстүрімен тәрбиелеудің үлгісі насихатталды.

Жиын барысында бұл тақырыпты кең көлемде насихаттау қажеттігі айтылып, ұрпақ тәрбиесіне бейжай қарамау туралы ортақ пікірлер ортаға салынды. «Әжелер мектебі» аясында ұйымдастырылатын осындай кездесулер – рухани жаңғыру мен дәстүр сабақтастығына жол ашатын игі қадам.

Мешітте тұрақты жүргізіліп келе жатқан ақпараттық-насихаттық жұмыстар халықтың ұлттық тәрбиені қайта жаңғыртуына және отбасылық құндылықтарды дәріптеуіне үлкен үлес қосып келеді.

ҚМДБ Қарағанды облысы өкілдігінің баспасөз қызметі