Бұқар жырау аудандық «Жыржыс қажы» мешіті мен «QАМQOR-SНARAPAT» салттық қызмет көрсету орталығының ұйымдастыруымен Қазақстан мұсылмандары діни басқармасының 2025 жылғы айтулы іс-шаралар жоспарына сәйкес «Өткенге құрмет – тіріге міндет» тақырыбында зират басында тазалық жұмыстары жүргізілді. Сонымен қатар қорымның сыртындағы темір шарбағы сырланды.

Мұсылман зиратының айналасын таза ұстау – жәй ғана азаматтық міндет емес, сауапты іс әрі ізгі амал. Аталмыш бастаманың мақсаты – дүниеде қадірлі болған мұсылман адамның қабіріне құрметпен қарауға үндеу және осы тәрбиені өскелең ұрпақтың бойына сіңіру.

Игі істі бастамас бұрын қорымда жатқан барша марқұмдардың рухына Құран бағышталып, ақсақал бата берді. Сдан кейін жиылған жамағат қолдарына құрал-саймандарын алып, сауапты іске бірауыздан кірісті.

Игі іске аудандық мешіттің дін қызметкерлері мен ерікті жамағат мүшелері белсене қатысты. Осындай жұмыстар арқылы ұлттық һәм діни құндылықтар жаңғырып, мұсылман зираттарына деген құрмет арта түсетіні сөзсіз.

ҚМДБ Қарағанды облысы өкілдігінің баспасөз қызметі