Қарағанды облысының Бас имамы Естай Айтуғанұлының тапсырмасымен, ҚМДБ Қарағанды өкілдігінің «Әйел-қыздар» секторының жетекшісі Әйгерім Берікболқызы өңірдегі ұстаздарға арналған «Ұстаздың тұлғалық бейнесі» атты семинар өткізді. Семинарға өңірдегі мешіттердің ұстаздары қатысты.

Семинар барысында «Әнет баба» мешітінің ұстазы Әйгерім Берікболқызы педагог маманның бойында болуы тиіс қабілеттер жөнінде насихат айтып, кәсіби әрі рухани бағытта ой қозғады. Ал «Әл-Машани» мешітінің ұстазы Бақыткүл Айтқалиқызы ғұламаларымыздың ұстаздарға тән қасиеттері туралы айтқан тұжырымдарынан мысалдар келтіріп, баяндап берді.

Жиын барысында педагогикалық қабілет ұғымы да кеңінен талқыланды. Бұл – мұғалімнің кәсіби қызметінде жоғары нәтижелерге жетуін қамтамасыз ететін даралық-психологиялық ерекшеліктері мен кәсіби маңызды қасиеттерінің жиынтығы. Атап айтқанда, бірннеше педагогикалық қабілет түрлері қарастырылды :

– Гностикалық: танып білу және одан рухани ләззат ала білу

– Дидактикалық: білім беруді, үйретуді, түсіндіруді меңгеру

– Коммуникациялық: шәкіртпен қарым-қатынас орнатып, ынтымақтастық орната білу

– Конструктивтік: оқу-тәрбие материалын іріктеп, оны жүйелі түрде құра білу

– Ұйымдастырушылық: шәкіртті түрлі әрекеттерге баулып, мақсатқа жұмылдыра алу

– Перцептивтік: баланың ішкі жан дүниесін сезініп, көңіл-күйін түсіне білу

– Болжамдаушылық: педагогикалық үдерістің нәтижесін алдын ала болжай алу

– Суггестивтік: ұстаздың сөз арқылы сендіре, иландыра білу қабілеті

– Экспрессивтік: білім мен сенімдерді эмоция арқылы әсерлі жеткізе білу, дауыс, ишара, артистизм сынды элементтерді меңгеру

Семинар ұстаздарға әдістемелік әрі рухани бағытта үлкен серпін беріп, олардың тұлғалық дамуына ықпал етті.

ҚМДБ Қарағанды облысы өкілдігінің баспасөз қызмет