Шет ауданы, Ақадыр кентіндегі «Иса молла» мешітінде әйелдер жамағатына арналған рухани кездесу өтті. Мешіт ұстазы Әлия Рахманқызы «Отбасындағы ауызбіршілік» тақырыбында уағыз-насихат айтып, қоғамдағы зорлық-зомбылықтың алдын алу, әйелдің отбасы берекесін сақтаудағы орны мен рөлі, сабыр мен мейірімділік сынды құндылықтардың маңызын түсіндірді.

Іс-шара барысында әйел жамағатына Қасиетті Құран аяттары мен Пайғамбар (оған Алланың игілігі мен сәлемі болсын) хадистері негізінде түсіндіру жұмыстары жүргізілді. Сонымен қатар отбасылық ынтымақ пен түсіністікке негізделген өмір сүрудің үлгілері айтылып, қатысушылар өзара пікір алмасты.

ҚМДБ Қарағанды облысы өкілдігінің баспасөз қызметі