Қарағанды қалалық «Төлеутай ата» мешітінің ұйымдастыруымен «Жастар тәрбиесі және ихсан ілімі» тақырыбында семинар өтті.

Ислам дінінде жастардың орны айрықша. Пайғамбарымыз Мұхаммед ﷺ жастайынан имандылыққа тәрбиеленген жастар туралы былай деген:

«Көлеңке болмаған күні Алланың көлеңкесінде (мейірімінде) болатын жеті адамның бірі – жастайынан құлшылыққа берілген жас».

Осы орайда, мешіттің наиб имамы Диербек Аширматов жастарға асыл дініміздің құндылықтары мен ихсан ілімі жайлы тағылымды насихат айтып, рухани ой-толғамдарымен бөлісті.

Семинар барысында студенттер тарапынан қойылған сұрақтарға да жауап берілді.

ҚМДБ Қарағанды облысы өкілдігінің баспасөз қызметі