«Әл-Машани» мешітінде әйел-қыздар жамағатына арналған Құран және тәжуид сабақтары жүйелі түрде жалғасып жатыр. Құран оқуды жетілдіру мақсатында әртүрлі деңгейдегі шәкірттер үшін бірнеше бағытта оқу топтары құрылған. Атап айтқанда, Құран жаттау тобы, хатым ету тобы және ереже бойынша дұрыс оқуын қадағалап отыратын арнайы онлайн топ жұмыс істейді.

Сабақтарды мешіт ұстазы Гүлнұр Қаныбекқызы жүргізіп, шәкірттердің әрқайсысының деңгейіне қарай білімін жетілдіруге тырысады.

Иман мен білім жолында ізденіп жүрген жамағат бұл дәрістерден рухани қуат алып, Құран оқу машығын арттырып келеді.

ҚМДБ Қарағанды облысы өкілдігінің баспасөз қызметі