ҚМДБ Төрағасы, Бас мүфти Наурызбай қажы Тағанұлының бастамасымен Қарағанды облыстық өкілдігінің «Уақып» қоры мен «Зекет және қайырымдылық» қоры мүгедектер үйіндегі қарияларға арнайы дастархан жайып, көңілдерін аулады.

Іс-шара аясында Құран оқылып, әруақтарға дұға бағышталды. Қайырымдылық іске 40-қа жуық адам қамтылды.

Игі бастамаға Қарағанды облысының бас имамы Естай Айтуғанұлы қолдау білдіріп, шараны «Уақып» қорының жауапты маманы Бақдәулет Қыдырбайұлы мен «Зекет және қайырымдылық» қорының жауапты маманы Асылхан Рахымжанов ұйымдастырды.

Мұндай іс-шаралар қарияларға рухани демеу болып, олардың қоғамнан оқшау қалмауына ықпал етеді. Сондай-ақ, бұл қайырымдылық істері қоғамда ізгілік пен мейірімділік құндылықтарын насихаттауға сеп болады.

ҚМДБ Қарағанды облысы өкілдігінің баспасөз қызметі