Қарағанды қалалық «Төлеутай ата» мешітінің ұстазы Фатима Аманболдықызының ұйымдастыруымен әйел-қыздар жамағатына арналған «Дін мен дәстүр» атты интеллектуалдық білім сайысы өтті.

«Әр мұсылман білуі тиіс сұрақтар» тақырыбы аясында өткен сайыс барысында қатысушылар діни білімдерін сынап, өзара пайдалы мағлұматтармен бөлісті. Сонымен қатар, қазақ халқының салт-дәстүрі мен әдет-ғұрпына қатысты сұрақтар қойылып, ұлттық құндылықтардың дінмен сабақтастығына ерекше мән берілді.

Білім сайысы соңында үздік қатысушылар ынталандыру сыйлықтарымен марапатталды.

Рухани шара аясында дастархан жайылып, Құран хатым дұғасы оқылды.

ҚМДБ Қарағанды облысы өкілдігінің баспасөз қызметі