Қарағанды облысына қарасты Қарқаралы аудандық «Құнанбай қажы» мешітінің жастары бас қосып, рухани басқосу өткізді.

Жиында мешіт имамы Митератбек Орынбекұлы «Жастар тәрбиесі және ихсан ілімі» тақырыбында әсерлі уағыз-насихат айтты. Сонымен қатар имам жиналған жастарға «Жастық шақта уақытты тиімді пайдалану» және «Ислам дінінде білім алудың пайдасы» тақырыптарында пайдалы кеңестер беріп, өнегелі ойларын бөлісті.

Кездесу соңында жастар көкейлеріндегі сауалдарын қойып, тұшымды жауаптар алды.

ҚМДБ Қарағанды облысы өкілдігінің баспасөз қызметі