Қарқаралы аудандық «Құнанбай қажы» мешітінде «Дін мен дәстүр» тақырыбында арнайы рухани іс-шара ұйымдастырылды.

Аудан имамы Митератбек Орынбекұлының ұйытқы болуымен өткен жиында «Әжелер мектебі – тәрбие негізі» тақырыбында тағылымды насихат айтылып, ұрпақ тәрбиесіндегі аналардың орны мен рөлі жайлы сөз қозғалды.

Көненің көзіндей болған ақ жаулықты әжелер қатысқан жиында қазақтың салт-дәстүріне қатысты викториналық сұрақтар қойылып, зейінді де зерделі сайыс ұйымдастырылды.

ҚМДБ Қарағанды облысы өкілдігінің баспасөз қызметі