Қарағанды облысы әйел-қыздар секторының ұйымдастыруымен жұмыс жүргізіп келе жатқан «Ханифа» қыздар даму клубы тоқыма өнеріне арналған шеберлік сағатын өткізді.

Шараға арнайы шақырылған «Шебер қолдар» қолөнер ұйымының жетекшісі, іскер маман Мөлдір Талғатқызы шеберлік сағатын жүргізіп, қатысушыларға тоқыма тоқудың қыр-сырын үйретті.

Тоқыма өнері — тек қолөнер ғана емес, адам жанына тыныштық сыйлап, күйзелістен арылуға себеп болатын пайдалы іс. Шеберлік сағатында қыз-келіншектер тоқыма бұйымын жасап көріп, бұл өнердің ерекшеліктері мен тәсілдерін тәжірибе арқылы меңгерді.

ҚМДБ Қарағанды облысы өкілдігінің баспасөз қызметі