Әл-Ғаффар мешітінде «Жат ағым жарға жығады» тақырыбында ақпараттық түсіндіру іс-шарасы өтті. Теміртау қаласының конфессияаралық қатынастарының мәселелерін зерттеу және сараптау орталығының маманы Айдар Зейнелов дәстүрлі дінді жоққа шығару мен салт-дәстүрді мойындамау – жат ағым өкілдеріне тән теріс көзқарас екенін айтып, жамағатқа Ислам дінінің әр ұлттың салт-дәстүрімен үйлесімді өмір сүруді насихаттайтынын түсіндірді.

Мешіт ұстазы Азамат Төлеухан қазақ халқы ежелден имам Матуриди ақидасы мен имам Ағзам Әбу Ханифа мәзһабын ұстанып келе жатқанын атап өтіп, бұл бірлік пен тұрақтылықтың негізі екенін жеткізді. Сондай-ақ ол Пайғамбарымыздың (оған Алланың салауаты мен сәлемі болсын) үмбетке бірлік пен сүннетке берік болуды өсиет еткен хадисін мысалға келтіріп, жамағатқа уағыз-насихат айтты.

ҚМДБ Қарағанды облысы өкілдігінің баспасөз қызметі