Еліміз бойынша өтіп жатқан «Өткенге құрмет – тіріге міндет» атты зират тазалығы Шет ауданы, Ақжал кентінде жалғасын тапты.

Алдымен Ұлы Жеңіс күніне орай кент имамы Әбілмашев Богдан Насырұлының ұйымдастыруымен соғыс ардагері, марқұм Бекішұлы Аман атаның мазарында Құран оқылып, кейін тазалық жұмыстары жүргізілді.

Ізінше мешіт жамағаты мен кент тұрғындары жергілікті зират басында тазалық жұмыстарына белсене қатысты. Бұл игі шара – рухани тәрбие мен елді бірлікке үндейтін өнегелі үлгі болды.

ҚМДБ Қарағанды облысы өкілдігінің баспасөз қызметі