Қарағанды облысы, Абай аудандық орталық мешітінде «Дін мен дәстүр» бағыты аясында жамағатқа арналған интеллектуалды сайыс ұйымдастырылды.

Сайыс алдында аудан имамы Асхат Қанайұлы «Ислам және отбасы құндылығы» тақырыбында уағыз-насихат айтып, жамағатты рухани білімге ұмтылуға шақырды.

Шара барысында мешіт шәкірттері дін мен дәстүрге қатысты білімдерін сынға салып, Құран және фиқһ пәндерінен сұрақтарға жауап берді.

Сайыс соңында барлық қатысушыларға мадақтама қағаздары табысталды.

ҚМДБ Қарағанды облысы өкілдігінің баспасөз қызметі