Қарағанды облысы, Нұра аудандық мешітінің ұйымдастыруымен Қазақстан мұсылмандары діни басқармасының 2025 жылғы айтулы іс-шаралар жоспарына сәйкес «Өткенге құрмет – тіріге міндет» тақырыбында зират басына тазалық жұмыстары жүргізілді.

Мұсылман зиратының маңайын тазалап отыру - жәй ғана міндет емес, ізгі амал. Осы ізгі амалды өскелең ұрпаққа көркем түрде насихаттау, дүниеде қадірлі болған мұсылман адамның қабірін аяқасты етпей, құрметпен қарау – бүгінгі сенбіліктің негізгі мақсаты.

Игі іс-шараға кіріспес бұрын мешіттің дін қызметкерлері Құран оқып, қорымда жатқан барша әруақтар рухына бағыштады.
Аталмыш игі іс-шараға мешіттердің дін қызметкерлері мен ерікті жамағаты атсалысты

ҚМДБ Қарағанды облысы өкілдігінің баспасөз қызметі