Кеңес Одағының екі мәрте Батыры Т.Ж. Бигелдинов атындағы Қарағанды Республикалық «Жас ұлан» мектебінің қызметкерлерімен Қарағанды облыстық «Әнет баба» мешітінің ұстазы Кемербай Данияр Ерікұлы «Діни экстремизм, терроризм және суицид» тақырыбында кездесу өткізді.

Іс-шара барысында қатысушыларға жат діни ағымдардың залалды әрекеттері мен олардың қоғамға тигізер қауіп-қатері кеңінен түсіндірілді. Сонымен қатар діни сауаттылықты арттыру, рухани-адамгершілік құндылықтарды дәріптеу және саламатты өмір салтын қалыптастырудың маңызы жайлы кеңінен айтылды.

Ұстаз Данияр Ерікұлы дін атын жамылған терроризмнің исламның шынайы қағидаттарына қайшы екенін атап өтіп, қызметкерлерді балаларға дұрыс бағыт-бағдар беру, ұрпақты тәрбиелеуде мұқият әрі жауапты болуға шақырды.

Кездесу барысында қатысушылар көкейлерінде жүрген сұрақтарын қойып, толыққанды жауаптар алды.

ҚМДБ Қарағанды облысы өкілдігінің баспасөз қызметі