Әбілқас Сағынов атындағы Қарағанды техникалық университетінің студенттерімен Қарағанды облыстық «Әнет баба» мешітінің ұстазы Джаримбетов Мұхит «Жат діни ағымдардан сақтандыру»  сақтандыру тақырыбында түсіндіру жұмыстарын жүргізді.

Әбілқас Сағынов атындағы Қарағанды техникалық университетінде Қарағанды облыстық «Әнет баба» мешітінің ұстазы Мұхит Джаримбетов студенттермен кездесу өткізіп, «Жат діни ағымдардан сақтану» тақырыбында түсіндіру жұмыстарын жүргізді.

Кездесу барысында ұстаз жастарға теріс діни ағымдардың қоғамға тигізер зардабы мен олардың исламның асыл құндылықтарына қайшы екендігін жан-жақты түсіндірді. Сонымен қатар студенттерге діни сауаттылықты арттырудың, ұлттық және рухани құндылықтарды берік ұстанудың маңыздылығы жөнінде айтылды.

Мұхит Михилұлы жастарды діни ақпаратты тек сенімді көздерден алуға, өз болашағына жауапкершілікпен қарауға және қоғам тыныштығын сақтауға шақырды.

Кездесу сұрақ-жауап форматында жалғасып, студенттер көкейлеріндегі сауалдарына тұшымды жауаптар алды.

ҚМДБ Қарағанды облысы өкілдігінің баспасөз қызметі