Қарағанды облыстық «Әнет баба» мешітінде жамағатпен кездесулерде Қазақстан Мұсылмандары Діни Басқармасының тұғырнамасы, сондай-ақ «Мұсылманның тұлғалық бейнесі» туралы жазылған кітапша таратылды.   

«Әнет баба» мешітінің ұстазы, шариғат және пәтуа бөлімінің маманы Юсүпбек Шұғайұлы мен мешіт ұстазы Олжабек Мурсали жұма уағызынан соң жамағатқа кітапшаны таныстырды. 

Бұл іс-шара барысында жамағатқа ислам діні мен оның қағидаттарына сәйкес мұсылманның дұрыс өмір сүру жолы мен тұлғалық болмысын қалыптастыру туралы маңызды мәліметтер берілді. Аталған еңбекте мұсылманның ішкі жан дүниесінің тазалығы, адамгершілік қасиеттері, сондай-ақ қоғамдағы рөлі туралы кеңінен айтылған.

Жиын соңында жамағат кітапшаларды алып, өз білімдерін арттыру мақсатында оқуға ниет білдірді.

ҚМДБ Қарағанды облысы өкілдігінің баспасөз қызметі