Спаск полигонындағы 36352 әскери бөлімінде Қарағанды облыстық «Әнет баба» мешітінің ұстазы Мұхит Джаримбетов «Діни экстремизм мен суицидтің алдын алу» тақырыбында түсіндіру жұмысын жүргізді.

Кездесуде жат ағымдардан сақтану, рухани тұрақтылық, отансүйгіштік және суицидтің алдын алу мәселелері қозғалды. Жас сарбаздар көкейдегі сұрақтарына жауап алып, пайдалы ақпаратпен танысты. Бұл іс-шара әскери қызметшілердің діни сауатын арттырып, рухани иммунитетін нығайтуға бағытталды. Кездесу жылы әрі ашық пікір алмасу форматында өтті.

ҚМДБ Қарағанды облысы өкілдігінің баспасөз қызметі