1 мамыр – Қазақстан халқының бірлігі күніне орай ҚМДБ Төрағасы, Бас мүфти Наурызбай қажы Тағанұлының бастамасымен Қарағанды облысы өкілдігінің «Зекет және қайырымдылық» қоры қайырымдылық іс-шарасын ұйымдастырды.

Іс-шара барысында облыс орталығындағы түрлі ұлт өкілдерінен құралған 40 отбасыға азық-түлік себеттері үлестірілді. Ізгі іске Қарағанды облысының бас имамы Естай Айтуғанұлы қолдау білдіріп, игі бастама жергілікті кәсіпкерлер мен жамағаттың демеушілігімен жүзеге асты. Аталмыш акйияға Қарағанды облыстық «Зекет және қайырымдылық» қорының жауапты маманы Асылхан Рахымжанұлы ұйытқы болды. 

Сауапты амал қоғамдағы бірлік пен қайырымдылықты арттырып, ұлттар арасындағы татулықты нығайтуға бағытталды. 

ҚМДБ Қарағанды облысы өкілдігінің баспасөз қызметі