2025 жылғы 1 мамыр – Қазақстан халқының бірлігі күніне орай Шахтинск қаласының Кеншілер мәдениет сарайында «Әралуандылықтағы бірлік – тұрақтылық пен келісімнің негізі» тақырыбында дөңгелек үстел өтті.

Іс-шараға қаладағы түрлі ұлт өкілдері, жастар, қоғамдық ұйым мүшелері мен діни бірлестік басшылары қатысты. Дөңгелек үстелдің мақсаты – этносаралық татулықты нығайту, рухани келісім мен бірлік құндылықтарын кеңінен насихаттау болды.

Кездесу барысында Шахтинск қаласының бас имамы Мәулен Әбілхайыр Кәсенұлы жиналған қауымды мерекемен құттықтап, «Ислам – бейбітшілік пен бауырмалдық діні» тақырыбында мазмұнды баяндама жасады. Өз сөзінде ол еліміздегі дінаралық және ұлтаралық келісімнің маңызына тоқталып, жастарды татулыққа, сабыр мен өзара түсіністікке шақырды.

Жиын соңында қатысушылар ашық пікір алмасып, Қазақстандағы тұрақтылық пен бейбіт өмірдің басты тірегі – өзара сыйластық пен келісім екенін атап өтті.

Мұндай басқосулар еліміздің көпэтносты қоғамында достық пен ынтымақтастықты нығайтып, ел бірлігін арттыруға зор септігін тигізеді.

ҚМДБ Қарағанды облысы өкілдігінің баспасөз қызметі