Абай ауданына қарасты Қарабас ауылдық мешітінің имамы Шадиев Шарифулла Сарепты ауылының кітапханасында жергілікті тұрғындармен кездесу өткізді.

Кездесу барысында имам қоғамда көрініс беріп жатқан жат ағымдар туралы кеңінен әңгімелеп, дәстүрлі діннің негіздерін түсіндірді. Сонымен қатар дін атын жамылып, қоғам тұтастығына нұқсан келтіретін теріс идеологиялардан сақтану жолдары айтылды.

Жиын соңында тұрғындар көкейлеріндегі түрлі сұрақтарын қойып, тұшымды жауаптар алды. Мұндай кездесулер халықтың діни сауатын арттырып, рухани тұрақтылықты нығайтуға сеп болмақ.

ҚМДБ Қарағанды облысы өкілдігінің баспасөз қызметі