Center Image
IHSAN.KZ
«Қажыбай қажы» мешітінде шәкірттер арасында діни білім сайысы өтті
«Қажыбай қажы» мешітінде шәкірттер арасында діни білім сайысы өтті

«Қажыбай қажы» мешітінде білім алушы әйел-қыздар жамағаты арасында Пайғамбарымыз Мұхаммедтің (ﷺ) өмірбаянына арналған танымдық сайыс өтті. Дәріс барысында Бәдр және Ухуд шайқасы тақырыптары бойынша шәкірттер білімдерін ортаға салды.

Пайғамбарымыздың (ﷺ) өмірі – Құран Кәрімде сипатталған көркем мінездің тірі тәпсірі. Оның әрбір ісі мен сөзі – күллі мұсылманға өнеге.

Сайыс барысында қатысушылар Бәдр мен Ухуд шайқасының шығу себептері, дайындық кезеңдері, сахабалардың ерлігі, ғибратты оқиғалар, соғысқа қатысты Құран аяттары мен хадистер, сондай-ақ шайқастың астарындағы даналық пен тәлім-тәрбиелік мәнін салыстыра отырып, жан-жақты талдау жасады.

Жарыс соңында мешіт ұстазы Гүлнұр Қаныбекқызы үздік шыққан шәкірттерге мешіт атынан сыйлық сертификаттарын табыстады.

ҚМДБ Қарағанды облысы өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz