Қарағанды облысы, Теміртау қаласындағы орталық «Әлихан Бөкейхан» мешітінің  имамы Ақниет Сәлімбайұлының ұйымдастыруымен дүниеден өткен ата-бабалар рухына Құран хатым дұғасы жасалды.

Іс-шара аясында қасиетті Құран аяттары оқылып, азаттық жолында ел үшін, Алла жолында шейіт болғандарға, батырларымыз бен билерімізге, хан-сұлтандарымызға, ғұмырында имандылық жолда жүрген және халыққа қызмет атқарған азаматтарға, ата-бабаларымыздың, аналарымыздың, мұсылман болып өткен барша марқұмдардың рухына арнап, амалдарының қабыл болып,имандарының саламаттығы мен жәннаттан орын алуына тілек-дұғалар бағышталды.

Бұл іс-шара — рухани сабақтастықты жаңғыртып, өткенге тағзым етудің көркем көрінісі болды.

ҚМДБ Қарағанды облысы өкілдігінің баспасөз қызметі