Қарағанды облысы, Шет ауданына қарасты Еркіндік ауылындағы «Мұқашұлы Тұрсын» мешітінде жасөспірімдермен рухани кездесу өтті.

Басқосу барысында аталмыш мешіттің имамы Есімбеков Бахтияр шәкірттерге «Жастар тәрбиесі және ихсан ілімі» тақырыбында тағылымды насихат айтып, көркем мінез бен рухани тазалықтың мән-маңызына тоқталды.

Кездесу жастардың имани түсінігін тереңдетіп, олардың бойында жауапкершілік пен ізгілік қасиеттерін қалыптастыруға бағытталды.

ҚМДБ Қарағанды облысы өкілдігінің баспасөз қызметі