Қарағанды қалалық «Қазыбек би» мешітінің ұйымдастыруымен Әлихан Бөкейхан ауданындағы «Таңшолпан» балалар үйіне зиярат жасалды.

«Жерде жетім жыласа, көкте періште күңіренеді» деп айтқан қазақ халқымыздың даналығы осы іс-шарада көрініс тапты. «Төлеутай ата» мешітінің наиб имамы Асыл Көкешұлы балалар үйіндегі жеткіншектерге қуаныш сыйлап, сыйлықтар табыс етті.

Аниматорлар балаларға түрлі ойындар ойнатып, олардың көңіл-күйлерін көтерді.

Сондай-ақ аталмыш ғимараттың басшылары мен қызметкерлерімен кездесу өтіп, Асыл Көкешұлы жеткіншектер тәрбиеленіп жатқан мекемеге өзінің батасын берді.

Мешіт ұжымы жүзеге асырған сауапты істі мекеме басшылығы ризашылықпен қабылдап, алғыстарын білдірді.

ҚМДБ Қарағанды облысы өкілдігінің баспасөз қызметі.