7 мамыр — Отан қорғаушылар күні қарсаңында Қарағанды облысы, Бұқар жырау ауданы, Үштөбе ауылдық «Қажыбай қажы» мешітінің имамы Жандос Әшімұлының ұйымдастыруымен әскер қатарында борышын өтеп жүрген сарбаздарға арнап дастарқан жайылып, патриоттық тәрбиеге бағытталған рухани кездесу өтті.

Іс-шара барысында имам Жандос Әшімұлы Отан қорғаудың маңыздылығы мен елге қызмет етудің асыл қасиет екенін айтып, сарбаздарға патриотизм, имандылық және отбасылық жауапкершілік туралы насихат жасады.

Кездесу соңында сарбаздарға қызметтерін адал атқарып, ата-аналарымен аман-есен қауышуды тілеп, ақ батасын берді. Сонымен қатар Абай Құнанбайұлының «Қара сөздер» кітаптары естелік ретінде тарту етілді.