Қарағанды облысы, Бұқар жырау ауданы, Үштөбе ауылдық «Қажыбай қажы» мешітінің имамы Жандос Әшімұлы жамағатқа қасиетті Құран Кәрімнің «Мәсәд» сүресіне тәпсір жасап, рухани дәріс өткізді. Ақшам намазынан кейін жайылған дастарқан басында жиналған жамағат сүре мазмұны мен тәпсір тұнығынан мағлұмат алып, пайдалы деректерге қанықты.

Көтерілген діни сұрақтарға тұшымды жауаптар беріліп, жамағат дәрістің мазмұнына ерекше ықыласпен құлақ түрді. Қатысушылар осындай тағылымды кездесулердің жалғасуын қалайтындарын айтып, алғыстарын білдірді.

ҚМДБ Қарағанды облысы өкілдігінің баспасөз қызметі