Бұқар жырау ауданы, Үштөбе ауылындағы «Қажыбай қажы» мешітінде Қарағанды облыстық «Әнет баба» мешітінің ұстазы Олжабек Мұрсали жамағатқа кіші және үлкен қажылықтың үкімдері жайында фиқһ дәрісін өткізді.

Дәріс барысында мешітке жиналған жамағат қажылықтың шарттары, рүкндері мен әдептері туралы маңызды мағлұматтар алды. «Тыңдаушы ықыласты болса, сөйлеуші шешен болады» дегендей, жамағат ұстаздың дәрісін ерекше ықыласпен тыңдап, көкейлеріндегі өзекті сауалдарына нақты әрі толық жауаптарын алды.

Олжабек ұстазға жамағат ризашылығын білдіріп, осындай тағылымды дәрістердің жиі ұйымдастырылуына ниет білдірді.

ҚМДБ Қарағанды облысы өкілдігінің баспасөз қызметі