Қарағанды қалалық «Қазыбек би» мешітінде жат діни ағымдардың алдын алу мақсатында түсіндірме іс-шара ұйымдастырылды. Насихатты мешіт ұстазы Асыл Көкешұлы жүргізіп, жамағатқа «Жат ағым жарға жығады» тақырыбында уағыз-насихат айтты.

Жиын барысында ұстаз жат ағымдардың белгілері мен қоғамға тигізер зияны туралы кеңінен түсіндіріп, дәстүрлі Ислам мен теріс ағымдардың айырмашылығын нақты дәлелдермен жеткізді. Сондай-ақ бұл дерттен сақтанудың жолдары мен рухани иммунитетті күшейтудің маңызы айтылды.

ҚМДБ Қарағанды облысы өкілдігінің баспасөз қызметі