Қарағанды қалалық «Төлеутай ата» мешітінің шәкірттері волейбол жарысынан жеңіспен оралды.

Қарағанды облысының дін істері басқармасы ұйымдастырған бұл спорттық жарыс әйелдер жамағаты арасында өтті. Шараның негізгі мақсаты — әйел-қыздар жамағатының ауызбіршілігін арттыру, ынтымақтастықты нығайту және салауатты өмір салтын насихаттау болды.

Жарыс нәтижесінде Қарағанды қалалық «Әл Машани» мешітінің жамағаты бас жүлдені иеленсе, ІІ орын «Төлеутай ата» мешітінің жамағатына бұйырды. Ал ІІІ орынды «Ана Мама» қайырымдылық қоры жеңіп алды.

Жүлделі орынмен оралған шәкірттерді мешіт имамы Рауан Төлеубекұлы құттықтап, алғыс білдірді.

ҚМДБ Қарағанды облысы өкілдігінің баспасөз қызметі