Center Image
IHSAN.KZ
Үштөбе ауылында пайғамбар сипаттарына арналған дәрістер жалғасын тапты
Үштөбе ауылында пайғамбар сипаттарына арналған дәрістер жалғасын тапты

Қарағанды облысы, Бұқар жырау ауданы, Үштөбе ауылындағы «Қажыбай қажы» мешітінде әр сәрсенбі күні кешкілік діни дәрістер тұрақты түрде өтіп келеді. Кезекті дәрісті Қарағанды қаласындағы «Әл-Машани» мешітінің имамы Сайлау Мусин жүргізіп, жамағатқа имандылықтың мәні мен пайғамбарымыздың (Алла тағаланың игілігі мен сәлемі болсын) көркем мінезі жайлы тағылымды уағыз айтты.

Бұл жолғы дәріс әйгілі ислам ғұламасы имам Тирмизидің «Әш-Шәмәил әл-Мухаммадия» («Пайғамбарымыздың жан-жақты сипаттары») атты еңбегі негізінде өтті. Дәріс барысында екі дүниенің сардары болған Мұхаммед пайғамбардың ағарған шаштары мен ер және әйел адамдардың шаш бояуына қатысты хадистер мен шариғаттағы үкімдер түсіндірілді.

Жиналған жамағат ықыласпен тыңдап, пайдалы мағлұматтар алды. Алла тағала барша білім алушы жамағатқа алған ілімін амалмен ұштастыруды нәсіп етсін!

ҚМДБ Қарағанды облысы өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz