Қарағанды облысы, Теміртау қаласындағы «Әлихан Бөкейхан» мешітінде имам Ақниет Сәлімбайұлының бастамасымен Құран іліміне арналған тұрақты дәрістер жүргізілуде. Бұл – жамағаттың қасиетті Құран Кәріммен тығыз байланысын арттыруға бағытталған игі қадам.

Дәрістер барысында Құран оқудың қағидалары, тәжуид ережелері, сүрелердің мағынасы мен терең тағылымы үйретілуде. Жас пен кәріге бірдей қолжетімді бұл сабақтар жамағаттың рухани дамуына жол ашып, жүрекке иман нұрын ұялатуға сеп болуда.

Мешіт қабырғасында атқарылып жатқан бұл сауапты іс – Ислам ілімінің кең қанат жаюына және қоғамда имандылықтың орнығуына мол үлес қосып келеді.

ҚМДБ Қарағанды облысы өкілдігінің баспасөз қызметі